நவம்பர் முதல் தமிழகத்தில் வாக்காளர் பட்டியல் சிறப்பு தீவிர திருத்தம்: இந்திய தேர்தல் ஆணைய அதிகாரிகள் கள ஆய்வு

தமிழ்நாடு முழுவதும் வாக்காளர் பட்டியல் புதுப்பிப்பு பணிகள் தீவிரமாக நடைபெற்று வரும் நிலையில், இந்த செயல்முறையின் முன்னேற்றம் மற்றும் நடைமுறைகளை நேரடியாக ஆய்வு செய்ய இந்திய தேர்தல் ஆணையத்தின் உயர்நிலை அதிகாரிகள் நவம்பர் 24, 2025 முதல் தமிழகத்திற்கு வருகை தர உள்ளனர். இந்திய தேர்தல் ஆணையம், நாடு முழுவதும் 9 மாநிலங்களிலும், 3 யூனியன் பிரதேசங்களிலும் வாக்காளர் பட்டியல் சிறப்பு தீவிர திருத்த பணியை மேற்கொண்டு வருகிறது. இதன் ஒரு பகுதியாக தமிழ்நாட்டிலும் கணக்கெடுப்பு, சரிபார்ப்பு மற்றும் விண்ணப்பங்கள் திருத்தம் உள்ளிட்ட பணிகள் நவம்பர் மாதம் தொடக்கம் முதல் நடைப்பெற்று வருகின்றன. விண்ணப்பங்களை சமர்ப்பிக்கும் கடைசி தேதி – டிசம்பர் 4 கடந்த நவம்பர் 4ஆம் தேதி தொடங்கிய இந்த திருத்த பணியில், புதிய வாக்காளர் சேர்க்கை, முகவரி மாற்றம், விவர திருத்தம் உள்ளிட்ட விண்ணப்பங்கள் பெற்றுக்கொள்ளப்படுகின்றன. இந்த விண்ணப்பங்களை டிசம்பர் 4, 2025க்குள் பூர்த்தி செய்து ஒப்படைக்க வேண்டும் என தேர்தல் ஆணையம் அறிவித்துள்ளது. அதே நேரத்தில், இந்த தீவிர திருத்த நடவடிக்கை குறித்து திமுக உட்பட தமிழகத்தின் பல்வேறு அரசியல் கட்சிகள் எதிர்ப்பு தெரிவித்து உச்ச நீதிமன்றத்தில் வழக்கு தொடர்ந்துள்ளன. அந்த வழக்கு தற்போது விசாரணையில் உள்ளது. கள ஆய்வுக்கு இந்திய தேர்தல் ஆணைய உயரதிகாரிகள் வருகை தமிழகத்தின் தலைமைத் தேர்தல் அதிகாரி மற்றும் அரசு செயலாளர் அர்ச்சனா பட்நாயக் இந்த தகவலை அதிகாரப்பூர்வமாக அறிவித்துள்ளார். அவர் வெளியிட்ட செய்தி குறிப்பில் கூறியதாவது: ஊடக ஒருங்கிணைப்பு – வாக்காளர் விழிப்புணர்வு மதிப்பாய்வு (சென்னை) நவம்பர் 24 முதல் 26 வரை, இந்திய தேர்தல் ஆணையத்தின் ஊடகப் பிரிவு பி. பவன் – துணை இயக்குநர் தேவன்ஷ் திவாரி ஆகியோர் சென்னையில் நடைபெற்று வரும் வாக்காளர் பட்டியல் தீவிர திருத்த நடவடிக்கைகள் ஊடக ஒருங்கிணைப்பு வாக்காளர் விழிப்புணர்வு முகாம்கள் ஆகியவற்றை விரிவாக மதிப்பாய்வு செய்ய உள்ளனர். மேலும், அவர்கள் மாநிலத்தில் பல்வேறு பகுதிகளுக்கு சென்று, நேரடி கள ஆய்வையும் மேற்கொள்ள உள்ளனர். கோயம்புத்தூர் – திருப்பூர் மாவட்டங்களுக்கு இயக்குநர் கிருஷ்ண குமார் திவாரி வருகை இந்திய தேர்தல் ஆணையத்தின் இயக்குநர் கிருஷ்ண குமார் திவாரி, கோயம்புத்தூர் மற்றும் திருப்பூர் மாவட்டங்களில் நடைபெறும் பணிகளை ஆய்வு செய்ய வருகிறார். அவர் முக்கியமாக கவனம் செலுத்தப் போவது: வாக்கு சாவடி நிலை அலுவலர்கள் (BLO) மூலம் படிவ விநியோகம் வீடு தோறும் கணக்கெடுப்பு பணிகள் பெறப்பட்ட படிவங்களின் டிஜிட்டல் பதிவேற்றம் மாவட்ட அளவிலான முன்னேற்ற நிலை இவற்றை முழுமையாக ஆய்வு செய்வது ஆகும். சென்னை – செங்கல்பட்டு மாவட்டங்களில் மதுசூதன் குப்தா ஆய்வு இந்திய தேர்தல் ஆணைய செயலர் மதுசூதன் குப்தா சென்னை செங்கல்பட்டு இரு மாவட்டங்களுக்கும் நேரடியாக வருகை தந்து சிறப்பு தீவிர திருத்த பணிகள் குறித்து ஆய்வு மேற்கொள்கிறார்.